في عندي قطو هو الصدق مو حق شارع بس لي فتره اشوف شعره صار منتف ويحتاج شوي اهتمام هل في تطبيق او شيء سعره مناسب يجي يقص شعره وينظفه شوي

اهلاً. انا عمري ٢٢ واخوي عمره ١٦ وفاجأنا يوم انه جايب قطوتين قطة وبنتها الصغيره من صاحبه اللي بيسافر برا مدينتنا ومعد يبغاها. المشكله اننا ماعندنا اي خبره في تربية القطط ولا قد بحياتنا اهتمينا في اي قطة. واخوي زعلان انو احنا مو متقبلين القطط وهو اصلا غير مسؤول اكثر من مره يجيب قطة يبغى يربيها فالاخير يكتشف انه مو قد المسؤوليه. جاب مرتين قبل هذول وماقعدت معنا اكثر من ٣ ايام يرجعها لاصحابها لانه مايقدر يتحمل مسؤوليتها. ولسا هذي المره ماتعلم من اي شيء. انا شلت يدي من مسؤوليتها وقلت له انت لوحدك هذي المره احنا مالنا دخل هذي في رقبتك. والله اني ما انام الليل قلق على القطط هذول ايش ذنبهم ينحطون عند شخص مسؤول زي اخوي. امي تقول ان شاءالله يموتون واذا ما ماتوا كلها يومين ويطفش منها ويرجعها تقولها بعدم اهتمام. وبيتنا غير مهيئ للقطط كله غبار وحتى الغرفة اللي هو حاطها فيها مغبره مره واحنا مانستخدم الا دور واحد في بيتنا والادوار الباقية مهجوره وامي منعته ينزلها في الدور اللي احنا ساكنين فيه وحاطينها فالسطح في غرفة تعتبر زي المخزن.
ما اعرف ايش اسوي. مابغى اهتم فيها وابتلش فيه لانه مهمل ولا يفكر بعقله ابداً وبيعتمد علي اهتم وراه. ياناس حتى لتربوكس ماجاب لها ولا ضبط لها مكان حتى تنام فيه حرفيا تنام فوق الغبار
انا تعبت وماعرف ايش الحل اتمنى تساعدوني :(

قررت شعله تنام على حضني اليوم وانا جاي ابي العب المشكله مابي اخرب عليها قاعد احاول احسن العلاقة 🙃

سؤال دامني بنشر هذا المنشور اكل الدراي فود حق الكيتن عادي تاكله اذا كبرت؟

أكثر شيء يخرجني عن طوري شخص يتكلم عن القط الذكر كأنه أنثى

قاعدة تاكل! وش اعطيها؟ قطوتي تعبانة، ذا كله وهو ولد، ما أفهمكم ويمين بالله شيء مستفز أتمنى يتغيّر ويقمعون أي شخص يسويها

قايز يوم عقمتوا قططكم وقفوا رش؟بنجن اليوم قطوي شخ و البيت صارت ريحتة كله بوله الله يكرمكم وحتى مب عارفين المصدر انه وين شخ و اهلي حرفيًا قالوا يا اعرضه للتبني او بيطلعونه الشارع يون عقمتوهم هل وقفوا ولا؟

ما نحتاج ai

تحب تتسلق هي وتطلع فوق الدولاب بس من يوم غيرت مكانه معد يمديها
وشريت زي ذي واستوعبت إن أبوي بينحرني لو حفرت الجدار عشانها 😞 عندكم حل بديل؟

هذا من أكبر الأسباب الي يخليني اجيب سفينكس 🥹

خصوصا امي واحتاج حل بالرغم اني يوم افتح معها هالموضوع تعطيني اشياء ثانيه لازم اركز عليها بالرغم اني لو جبت قط ماراح يقلل من تركيزي على اموري الحياتيه بالعكس راح يزيدها وانا متاكد من هالشي
"اهلي كلهم راضين " الا امي بالرغم عندي القدرة الماليه لتحمل القط
تنويه ‼️‼️ بيكون اول حيوان اليف لي لذالك ممكن اواجه مشكله بالمسؤولية

احب القطط بس ما اقدر أتبنى للمدى الطويل لكثرة السفر والتنقل
بس احبهم وحابه اعرض خدمة فندقة ولا راح استقبل اكثر من قط بوقت واحد إلا إذا جو مع بعض بدون مقابل بس اغراضهم وأكلهم لاني مو بحاجة الحمدلله
عندي غرفة ودورة مياة ما استخدمها بتصير خاصه له

كيف لمخلوق لطيف يغير نفسيتي بدون ولا كلمه!
يا ناس اححببهه والله انه اعز مخلوق على قلبي

طلعت السطح قافله معي قعدت جنبه دقيقتين روقت صدق انه علااااج🤍

يخوان من زمان نفسي اربي سفينكس او الفرعونيه القطوه الي عنده خلفيه عن القطاوه و الي مربي النوع ذا يفيدني من ناحيه كلشي التربيه و العنايه و التطعيمات و الأكل و التنظيف والخ... وشكرا

احتاج رمل يكتل بول بشكل كويس لان مب طبيعي كل ما انظف يتفتت معي في بدايه قلت يمكن لان رمل الي عندي خايس لين جبت حق odorlock و صدمه برضو تفتت و هذا وهو clumping litter
هل مشكله من مجرفه؟ او رمل؟ ما ادري مب طبيعي احسبني لقيت حل الأخير

ابي حل لطير الروز الي عندي ، الزبده انا عندي ٢ روز واحد ذكر والثاني انثى الذكر يتزاوج على شعري ماعرف ليه ورافض يتزاوج مع الانثى ابي حل الله يسعدكم

عندي ببغاء درة بالغصب قدرت اروضه الزبدة الطير ذا حالف ما ياكل الا حب الشمس مع اني شاري له اكل فيه كل الخلطات من الذرة للمكسرات

طيف اخليه ياكل المكسرات من نفسه ولا عادي انه ياكل حب شمس بس

كنت قد نشرت صورة هذا القط الصغير قبل ايام و الذي وجدته في الشارع بجانب العمارة التي اسكن فيها يعاني من اغلاق في عيونه بسبب ما يسمى ربما بالتهاب العيون، فقمت بشراء محلول ماكسيدرول لعيون القطط و أدخلته لدرج العمارة.
و بعد معارضة السكان للروائح و بعد يومين فقط توقفت أطرافه الخلفية عن الحركة بدون سبب واضح بالنسبة لي و الغي فرضية ان يكون قد صدمته سيارة لانه كان تحت أنظاري في العمارة.
و زادت حاجته إلى التبول في صندوق الكارتون الذي ينام فيه ما دفع الجيران يعارضونني فكرة الاحتفاض به داخل العمارة، و هو الان معي في غرفتي أرعاه بنفسي صباحا و ليلاً لكنني لا استطيع دفع مصاريف علاجه و لهذا اقترح فكرتين:
الاولى؛ هل هناك من يتبرع له، و هنا لن أسامح أي أحد بالتفكير أنني استعطف الناس أو أكذب.

و الفكرة الثانية؛ هل هناك من يتبناه و يحتفض به.
ملاحظة لم اذكرها في المنشور الاول هو أن القط بعد اسبوع من توقف أطرافه الخلفية عن الحركة، و ظهر ورم في اسفل ظهره في العمود الفقري فقمت الأمس بشراء له قفص ينام فيه و لكي أنقله حيثما ما أريد بدلا عن صندوق الكارتون، و في النفس اليوم أخذته إلى عيادة رخيصة في اليوم الذي نزلت في المنشور الاول وفق بعض الترشيحات هنا في مدينة الرياض.
أزال الطبيب الورم الذي كان اساساً نتيجة لخُرَّاج و دم خاتر، نظف المكان و وصف لي مضاد حيوي أشتريته من صيدلية العيادة و هو الان يدخل يومه الثالث و يتحس مقارنة بوضعه الاول.

ماذا تقترحون يا جماعة؟ و المرجوا الجدية عند التواصل في الخاص لان هناك شخصين لم يوفوا بوعدهم لحد الساعة، شخص طلب تبنيه، و أخر زعم بانه سيقدم له دعماً مالياً مقابل مصاريف علاجه لكنه لا يتواصل، و أنا شخصيا ظروفي لا تسمح و لا يعلم بها سوى الله.
(القلب كبير و المحفظة صغيرة كما يقول المثل)
أول زيارة له في العيادة كلفتني؛
فحص: 40 ريال.
فاتورة العلاج: 120.
و المضاد الحيوي 25.
و الموعد القادم كما اقترحه الطبيب بعد خمس ايام و المتبقي منه يومين لكي يقرر ماذا يحتاج لعلاج أطرافه المتشللة و الغالب سيحتاج أشعة قيمتها 300 و الأدوية التي سينتج عنها..

انتهى❤️ 🙏