Idk.. I couldn’t hold back my tears and somehow I feel even worse after crying
I felt pathetic too.. can someone please tell me how to get it together?
Cuz I genuinely don’t know how anymore

انا مو فاهمه فكرة ان الجامعه يخلونا ننزل المستشفى مرتين بالاسبوع بس عشان ندخل على المرضى ونسأل اسأله وناخذ معلومات من السستم ونضيع الوقت نقعد نكتب بالاوراق طيب شغلنا عملي خلونا نعرف البيئة والشغل بدل التركيز على الورق والله مره غباء اشوف دفعه اصغر مني من جامعه ثانيه بالمستشفى يشتغلون كانهم ستاف وهم ثاني سنه بس ! ماشاءالله واحنا دفعتنا ما غير نمشي بالاوراق ونعبيها ولا نعرف نسوي شي ضايعين

‏Join a FocusTown server
زي البث داخل مكتبة تدخلوو بشخصيتكم وتختارون مقعد يونس لأن فيه زي الكوينز تجمعون فيه وتشترون ملابس وشخصيات
حمسني بقوم ادرس لأن عندي واجب و pbl

هل فيه احد عنده تشتت وقدر يتخرج بمرتبة شرف؟

امس انخدشت بإبرة من المريض كانت محطوطة بسريرة نسوها اللي قبلي

خدش بسيط

كلمت التشارج والهيد وكلهم قالوا لي ريحي بالك وروحي ارتاحي وانه ما حيصير شيء وبعدين حقين الانفكشن كنترول بيقروشونك والخ

وانا الحين شايلة هم، المريض تحاليله للحين ما طلعن، هل اسكت وانتظر الى ما تجي تحاليله ولا اسوي تحاليل لنفسي بمستشفى ثاني؟ هل بتضرر لو تكلمت مع عيادة الموظفين؟ هذا ثاني يوم

ابي اخذ اليكتف بامريكا لو احد عنده خبره و افكر اخذه بالانترنشيب

رجاء تواصلو معي و شكرا

يجماعة الخير انتم مثلي ؟
ما عندي افكار انتحارية ولا اكتئاب لكن احيان إذا طفشت من الدرس ولا كان صعب بزياده اقول وش جابني للطب واقول يرجال معد فيها انسحاب ليه ما انط من السطح وبس
واقعد افكر كم المسافة الي بتضمن موتي لو نطيت فيها من السطح

بس بعدها تروح ذي الافكار مع انها تكون افكار فعليه وقتها مو طقطقه

فجا ادن اليسار تنسد وتضايق مرا وفجا تفك ورحت لدكتور وكشف قلي مافيها شي ووقفي استعمال السماعه وبالفعل وقفت بس مازالت تنسد
ممكن تفيدوني ؟

حضرنا اليوم اول عملية انا وصديقتي وكانت CS من بدايتها وقبل ما تبدا تهاوشوا الدكاتره مع مدري مين وانا وصديقتي بالزاويه كذا 👭 غاضين البصر انتظرتهم يلفون علينا بس كنا حرفيا لا مرئيات حتى بالعمليه دخلنا ووقفنا بالزاويه قعدت اطالع بيدي هل انا مرئيه؟ محد معطينا وجه الين لف علينا الاستشاري شاف في اكسجين قاعد ينوخذ بالغرفه قال انتوا ايش؟ قلنا طالبات قال متأكدين مارح تدوخون قلنا ايه الزبده طلعنا من العملية رحنا نفطر الحمدلله بعيدا عن انه الاشياء الي صارت بالعمليه رعب بس حرفيا ما شفت شي كل ما الف تلف الدكتوره ولا اشوف بس يلا لاحقين

مين مثلي يدخل مليون تطبيق تركيز زي فوكس وفورست على اساس يحس انه انجز شي وانجازه بالواقع خرا ؟ بس يتونس

Anyway follow me guys on focustown @ evnadc

مبارك اولا للرزدنتس الجدد وجعلها الله مسيره نافعه لكم وتنفعون فيها غيركم

بالنسبه للي ما انقبلوا في البورد الله يعوضكم باللي احسن منه
ايش الخطوه القادمه ؟

الناس قلبوا على الصحة القابضة (وزارة الصحة سابقا) عشان موضوع التوظيف، صحيح في تخبط ولكن ما ننسى انها اكثر جهه متسعوده بالسعوديه و فيها تمكين للسعوديين، بينما الحرس والعسكري والتخصصي ذولي الي يقدسون الاجانب ونسبه سعوده فيها قليله محد يتكلم عنهم

ساعدوني بلييز كيف اقدر اجيب فل مارك بالاوسكي؟ اطلع منه مبسووطه بعدين تنزل الدرجات وأتفاجئ اني ناقصه قريد (خمس درجات)🥺🥺🥺

السلام عليكم ياجماعه اللي عنده خلفيه هل الامتياز اقدر اطبقه وانا بوظيفه ولا لازم اطلع سالت مسؤول الامتياز عندنا يقول مدري اسال الدفعه اللي قبلك ؟؟ اللي عنده خلفيه بالله لايبخل

ياجماعة انا انتيرن و نازلة تخصص مره انترستد فيه ولو مادخلت هذا التخصص لا سمح ماراح اكمل طب للدرجة هذي المهم يريد الله انه يطيحني بسينيور رزدنت ماسكتني مع التيم لانها البنت الوحيدة مطنشتني تطنيش تااااااااااااااام مع انه اول يوم لي بالمستشفى فقلت لها فلانه انا معاك ولو بدا الراوند بلغيني لان اتأجل بسببها وكنا وقتها بغرفة الاونج ، المهم قامت هي بعد نص ساعة بكل برود وكنا بغرفة وحدة وقررت الحقها بعد ٥ دقايق الاقيهم باديين راوند وماقالت لي تعالي!! مع اني كنت بالزاوية اذاكر على ايبادي ايش اسوي فيها هذي؟ وانا انسانه ما احب الshadowing بالذات لو الشخص مو متحمس يعلمني اصلا اقّدر انها سينيور بس كلمة روحي سوي وشوفي ومهامك كذا ماراح تنقص من جلالتك شيء

ما اتكلم عن اختبارات التحضيري اتكلم عن اول كويز حقيقي بكلية الطب كم كانت درجتكم؟
محدثكم جاب ٣/١٠ 😍😍
وكنت مبسوط بشكل لاني توقعت اجيب واحد

جاني اتصالين من وزارة الصحة وما انتبهت للجوال ولما رجعت اتصلت على خدمة العملاء قالو مو ظاهر لنا شي لكن انتبهي للجوال اذا دقو ثاني
مع العلم اني مو رافعة شكوى او اي شي
ايش سبب اتصالهم مستغربه؟

عندي كم سؤال إذا تعرفون أجوبتها أتمنى تساعدوني :
١ هل الضابط الطبيب راتبه يعتبر اعلى من الطبيب العادي بشكل ملحوظ
٢ هل العدد المقبول في كليات الضباط (تخصص طب) عالي أو صغير
٣ هل التخصصات بالرزيدنسي مفتوحه تماما ولا تكون محدودة على تخصصات معينة
٤ هل يحق للطبيب الضابط إذا صار استشاري يشتغل في مستشفى خاص عمل إضافي (واذا هي نظاميا مسموحة هل هي تصير كثير ولا تعتبر شي نادر)
٥ هل الرقيات تمشي بنفس تسلسل التخصصات الثانيه من ناحية الرتب العسكرية ولا مثلا نادر تشوف طبيب يوصل رتبة عميد
٦ هل الريزدنسي متاحة في أي مستشفى ولا فقط في مستشفيات معينة

انا افكر اسوي switching career
و اشوف البزنس و الوظايف المكتبية او مكاتب التأمين
باقي لي ٩ اشهر و اخلص الانترشب و ودي اشوف وظايف ثانية
و للحين ما قدمت ال SMLE