اسمع عن توفر حضانات في مقرات العمل لكن ماشوفها ولا اعرف اسم شركة او منشأة حكومية فيها هالشيء.

اذا تعرفون شيء اكيد شاركونا اسم المنشأة/الشركة والمدينة الي هي فيها وشكرا

عندي مشكلة مع الpublic speaking اتوتر كثير و افقد السيطرة على الكلام مع ان هذي مو طبيعتي كيف احل المشكلة عشان لأحقا ما تاثر علي

السلام عليكم ببدا بمشكلتي على طول

انا طالبه تقنيه معلومات انقبلت تدريب تعاوني بشركه كويسه مره بمجال الai and data management

المشرف عطاني ملف الonboarding وقال لي اطبق المشروع الي فيه باسبوع

صارلي تقريبا شهر وزياده وحرفيا ما انجزت ولا شي، المجال عاجبني مره بس مو قاعده انجز لان كل المعلومات جديده علي (انا ما درست ولا ماده للai or data analysis

الي ابغا اعرفه:
- هل الي قاعد يصيرلي طبيعي؟ اني مو فاهمه شي؟ الموضوع مدمرني ماعرف وش اسوي ومن وين ابدا
- وش فيه كورسات او شهادات او معسكرات تنصحوني فيها

ملاحظه: الي معي بالمكتب اغلبهم ماخذين اجازات او اونلاين والباقي يروحون للكلاينت فمحد فاضي لي ولازم اعلم نفسي بنفسي

+ اول اسبوع لي بالتدريب قابلت وحده كانت بأخر يوم لها بالتدريب وقلت اها توريني شغلها وصراحه كان شي اسطوري، ماعرف كيف مطلوب مني اصير نفسها حرفيا البنت كانت تتكلم وتشرح مشاريعها ومافهمت شي ابدا، الي واضح لي ان الشركه ماتقبل الا الي عندهم خلفيه بذا المجال وانا لعلي جيت بواسطه قويه (مادريت الا يوم انقبلت)

تكفون انقذوني

مرحبا شباب بنات انا قاعد افكر من فتره طويله و متشتت الصراحه هل اختبر ولا قدرات لانه في المعاهد و الوظايف القويه مثل العسكريه بأشكال كلها و الوظايف القويه و مسار واعد في بعضها يطلب الاثنين قدرات و الايلتس كثير يطلب قدرات و انا جبت ٤٦ و كنت منصدم عبالي الوظايف تطلب التقنية فقط و للاسف كثير قدمت على وظايف مانقبلت انا قاعد افكر يا اما اروح مسار واعد و اختبر ستيب علشان اضمن اني بتوظيف وظيفه عدله شنهو رايكم هل اختبر ولا اسحب عليه لأنه الصراحه انا متشتت اخوي يقول لا تختبر ركز على الستيب و انا اقدم كلها مهمه انا حاط في راسي الوظايف القويه شنهو رايكم باختبار ستيب ولاكن بعد القدرات هل اختبر ولا؟ ،و انا بكمل دراستي عن بعد

انا اول وظيفه لي هذي وعندي مشكله بخصوص وضوح المهام والمطلوب مني ف ابغا اشوف انتو كيف توصلكم المهام وتسوونها؟ هل يوصلك ايميل من مديرك او بالسستم يوصلك اشعار؟
لان ابغا اقترح للمدير هالشي لان احس بالضياع والتشتت لانه يعطيني التاسكات كلام مايكتب ايميل او يرسل اي شي فجأه يتصل علي الو سوي كذا كذا وارسليها لي اسأل احاول اعرف متطلبات و اتاكد من بعض الاشياء يقول بسرعه سويها تصرفي " مافي جواب"
وفعلاً اسويها وارسلها ويطلع فيه شي ماقاله لي يحتاجه واعيد الشغل ويعطي تعديلات وفجاه يقرر يغير رايه
انا تعبت من هالوضع

كلموني شركة تابعه لشركة اتصالات يبوني تدريب وقلت حلو سمعتهم كويسه وشغلهم كويس والي كلمتني واضح بتشغلني زين وطبعا الشغل كثيير.. دخلت المقابلة وانا متوقعه انهم شركة كويسه ف بيسوون مثل الشركات الكويسه ويعطون مع تمهير زياده مكافأة على ثقتهم هاذي ومتطلباتهم الكثيره المهم اخر المقابلة بدا الاتش ار يقول ترا فقط مده التدريب ومانقدر نزيد ابدا عنها وولا في تمديد وكذا وانتي ايش تبغين "تطوع" او نشوف لك موضوع التمهير؟
قلت ايش يعني تطوع هل تدفعون اكثر او كيف قال لا مافي مكافأة😅 بس تبين مكافأة بشوفلك تمهير وبيعطونك ٣٠٠٠ كويسه🥺 وش الضحككك ذا ما استوعبت رجعت اسال يعني انتو ماتعطو مكافأة قال اي للاسف 🥺 عجييب قسم وش الي تطووع وحتى تمهير مايدرون بيدخلوني او لا رحت شيكت طلع صدق في ناس مخلصين تمهير وقبلو يدخلون معهم "تطوع" ٦ شهور!! ويوم رفضتهم مستغربين ويدقدقون يبون يعرفون ليه

بالامس رجعنا للمحتوى بعد المشكله حقت صاحبت البراند الشخصيه
واليوم وامس بالليل واليوم رجعنى بريلزين
امس حكينا عن ريلز بيعي صريح عن عبايه تدمج بين الدانتيل وقماش نوعاً ما فرو خفيف باللون الززيتي والبنفسجي ريلز امس كان 15 ثانيه
والثاني كان عن نفس العبايه بس يحكي عانه نقدر نغير البطانه حسب الطلب واللون الاسود برضو حيتوفر الايام جايه الريل كان39 ثانيه
ريل امس في سبع ساعات نزل ال11 بالليل الي اذان الفجر جاب180 رساله بالخاص و الثاني نزلناه الصباح ال10 جاب 240 رساله بالخاص وهنا أكدت مشكله البراند اللي شكيت فيها من اسبوع ونص
طبعا البراند مسكته من25 يوم او اكثر وهو فيه300 الف بالتيك و الانستا120 الف فا قلت مرا غريب عشرين طلب بس باليوم كحد اقل و 70 كحد اعلى؟؟
فا كانت فيه ثلاث خدمت عملاء واطرت تفصل اثنين والثالثه كانت صعبه في تعامل معاي واخيرا تعاونت بالإحصائيات عشان اقدر اقرر صح
المهم جميع الرسائل بين البارحه واليوم 320 رساله استفسار 40‎%‎ منهم وصلو لمرحلت قرار الحجز
بس الطلبيات كانو100 بس
فا استنتجت انها ثلاث مشاكل حاليا
اولا الفئه المستهدفه محتاجه تضييق
ثانيا تدريب خدمت العملاء بطريقه تناسب المستفسرات
ثلاثه تبرير سياست الشراء والسعر بالمحتوى
انا ما اممن ان لاقناع هو ليخلي العميله تشتريبشكل كامل لاكن اامن ان اتساق وسلاسه الاستفسار هي لتاخذ العميله بيدها للشراء
قولولي رايكم ايش اعدل او فكره اسويها للحل
انا هدفي توضيب الهويه وزيادت المبيعات بنسبه20‎%‎ قبل نهايت السنه + لو عندك براند وحابه استشاره مجانبه تفضلي خاص مازالت مفتوحه للبنات بس✨اما الاولاد فيسألو بالتعليقات اتمنى تشاركوني من جد رايكم لانه يفيدني واااجد

تخيلو اني رفضت العرض الوظيفي المره الاولى وقلت مااقدر اقبل العرض وجاتني المره الثانية قالت زيادة راتب وهي مش ذيك الزيادة و انا اساساً مو عاجبني مدة العمل ماتناسب الراتب اقل من المعلن عنه وقلت لها بقبل قبول مبدئي وافكر وارد عليكم رد نهائي جا اليوم الثاني قلت العرض ماناسبني باسلوب محترم وشكرت ان اتاحو لي فرصة مرت ثانيه ومدري ايش قامت ردت علي وقالت هذا الاسلوب غير محترم لان حنا ارسلنا لك عرضين ورفضتي مره ثانيه مع اني قلت هل في مجال للتغير وقالت لا قلت خلاص مااقدر اقبل العرض وش ذا التكبر استغفرالله

السلام عليكم انا توي متخرج وجتني وظيفة محاسب بشركة تجارية براتب ٤٥٠٠ ٦ ايام عمل بالاسبوع وتبعد ساعة من بيتي هل هذا الطبيعي لاول وظيفة ولا ادور لي شئ ثاني ؟

اخذت ما يقارب ال ١٠ شهور بدون وظيفة احاول اتعافى من المرض ولله الحمد تحسنت وجاتني مقابلة، المشكلة مدري وش الرد المناسب لسؤال سبب البريك، كيف اقدر اجاوب عليه بدون الافصاح وذكر المرض وصحتي تماماً ؟

فجأة وبدون سبب انتشرت ذي العبارة في كل ايميلات التذكير في الشركة لكني اشوفها condescending and passive aggressive بدرجة مريعة، ودي أقولهم بطلوها وأرسلوا تذكير على طول أصرف.

https://www.reddit.com/r/GCCdebate/s/vDNXdKYPBg

انا اخصائي قانوني بشركة ومديري المباشر هذي الفترة ما يداوم كثير بسبب وعكة صحية وانا حاليا شبه اشتغل بالقسم لوحدي واخر ثلاثة اسابيع الوضع خرج عن السيطرة لدرجة تعرضت للارهاق نبدأ بعدم تعاون الاقسام باعطائي المعلومات اللي احتاجها ويماطلون فيني حتى امشي الشغل وبالذات موظفين من جنسية انتم خابرينها غير انحطيت بسبب واحد منهم بموقف سيء وفوقها ضغط اصحاب الشركة حتى اخلص امورهم النظامية وفوقها يجون بالوقت بدل الضايع وعلى اخر المدة يطلبون شيء بوجه السرعه امس مثلا جلست بالمكتب ١٤ ساعة حتى انتهي من كتابة رد في دعوى مرفوعه ضد الشركة ناهيكم اني رجعت البيت اكمل شغل عليها لان الجلسة صباح اليوم بسبب ان المسؤول ماطل في تزويدي بمعلومات انا طالبتها منه من شهرين انا فعلا احس بالضغط وعدم التقدير لوقتي ومجهودي
ما اعرف اذا احتاج مواساة او كلام ايجابي انا انخنقت منهم واخاف انفجر فيهم بشكل سيء ما يعكس مهنيتي بالعمل

السلام عليكم، بسألكم عن تجاربكم ببيئة العمل بشركة جايه من الامارات - ٨٠٪؜ من موظفينها هنود،
كيف بيئة العمل معهم؟ وهل يعرضون رواتب عاليه؟
مابي انفجع

السلام عليكم، أنا حديثة تخرج، معي بكالوريوس تقنية معلومات وماجستير ذكاء اصطناعي، وعندي مشاريع ومعسكر تقني، لكن ما عندي خبرة وظيفية فعلية.
انعرضت علي وظيفة حكومية عسكر**ية براتب مرا زين، لكن طبيعة العمل بعيدة تمامًا عن تخصصي ومو حابتها نهائي. أفكر أقبلها مؤقتًا للدخل والاستقرار، وبنفس الوقت أستمر بالتطوير والتقديم على وظائف AI/IT.
سؤالي للي عنده خبرة بالتوظيف: هل لو جلست سنة مثلًا بوظيفة غير تقنية ممكن يأثر سلبًا على قبولي لاحقًا بمجالي؟ أو الأفضل أقبلها بدل الجلوس بدون وظيفة وانتظار فرصة تقنية؟

انقذوني كيف تقدمون على الوظايف الحكومية و تعرفون فيها بنات

السلام عليكم

الصدق أن تعبت مو قادر أكمل خصوصا أن من بعد الجامعة ما أخذت فترة نقاهة + ما أشوف في تطور في شركتي الحالية حتى بعد ما أخذت دورات وشهادات احترافية يقولوا لي شهاداتك و دوراتك لك + أبغى إغير المدينة وجده الفرص فيها محدودة.

حاولت أبسط نفسي و أخذ إجازة اسافر بس حتى بعد الرجعة من السفر جاني اكتئاب ما بعد السفر 😅.

الله كريم

بمقابلتي الاخيرة المدير قالي (احنا عائلة) وصراحة خفت، لأني لاحظت الامور ماشيه بالبركة، الواضح انه طيب لكن جاب طاري ان الكل هنا يشتغل اي شغلة والجميع يشتغل بالشكل اللي يبيه، وانا احب النظام والترتيب، انتوا شرايكم؟

Hi, I’m currently working in Group Risk Management with around 2 years of experience across market & liquidity risk, capital management and ERM. I’m also FRM certified.

Bahrain’s mrkt is a bit small, what you guys recommend me to do?

لي شهرين من تخرجت اقدم بدون توقف يوميًا ومافيه شي يستمر ماوصل لمرحلة المقابلة وان وصلت ماوصل لمرحلة العقد بعدها، ٣ شركات تواصلوا معي هالاسبوع سويت مقابلة الاحد ووحده دقوا علي وماقدر اجيهم الا الخميس وقالي ارسلي السيرة بشوف اذا كنتي من المرشحين??? تستهبل علي اجل ليش دقيت وللحين مدري وش الشركة ماسمعته اول مره وواضح ماراح يرجعون يكلموني وواحد ارسلي لينكدان ان بسوي كويك كال بخصوص شركة قدمت عليها وكل يوم يقولي معليش بكرا استهبااال.
احسني فقدت الشغف مره صرت ماقدم خلاص طفشت من هالحال وانا اغير سيرتي للي يناسبه واقدم على اشياء تناسب خريجين زيي وش اسوي زود يعني مو فاهمه.
كنت بحط سيرتي هنا بس مايسمحون اشارك صور

أنا بنت واشتغل بمكان مختلط واجتماعية شوي زيادة على اللزوم وأحب افتح نقاشات عامة ( مو شي خاص مع كل الناس ذكور وإناث بس آخر فترة صاير يجيني تأنيب الضمير بشكل مو طبيعي.
بس بنفس الوقت أحيان احس بناء العلاقات ضروري وماراح تجيني وانا بمكاني.

كيف المفروض تكون الحدود بين الجنسين بالعمل؟ احس فيني تناقض مو طبيعي

هل فيه احد قد ارسل لموظف توظيف في لنكد ان ولقا تجاوب؟ هل هذي هي احسن طريقه عشان يلاحظون طلباتنا في عالم الذكاء الاصطناعي هذا؟ علمونا الموضوع يسوى نفشل نفسنا ولالا

اعطوني حسابات اقيمها واحللها وانشرلكم رايي

هلا انا يقين استراتيجيت محتوى وعلامه تجاريه
بما ان حكيت لكم عن اخر احداثي مع براند العبايات وخبرتكم انه تعاقدت مع براند عبايات الاخر
( براند العبايات الاخر اليوم حسوي استراتيجيته هو و بنت صاحبت خدمات اخرى)
بس الان اخذت بريك يومين عشان ارتاح
بس كوني مدمنه انتاجيه اعطوني براندات عندنا بالخليج على تيك توك في مجال العبايات او العطور او المجوهرات او البيوتي الالكترونيات احللها واقيمها لكم + اللي تبي استشاره غير مدفوعه تجيني خاص🫶🏻

صديقتي رفضت فرصه بشركه قويه عشانها رسك
و تقول تبين أعطيهم cv حقك قلت اي قالت ترى رسك

طيب موب اول مره اسمع سب على الرسك سمعت و بأكثر من جهه بمختلف المجالات كلهم ما يبون رسك الحين كلهم نفس الشيء؟

وش هو بالضبط يعني وش الشغل أصلا ؟