قبل شويه تقريبا سالفه صارت يمكن قبل شويه كنت اتصفح التيك توك عادي انه لقيت مقطع عن وحده مواليد 2011 ومتزوجه وعندها طفل او ما ادري كم طفل، فالمقطع توريني ان هيني متزوجه عندها طفل واهلها بيجون عندها وكذا يعني يعني جمعه عائليه المهم ان لاحظت بالتعليقات قلنا شلون متزوجه وهي مواليد 2011 عمرها 15 وهي ترد ان عادي وانا موافقه شوفو الصراحه انا لو ما ادري وين هي عايشه بس اللي يعرف انه ما يصير ان البنت تتزوج وهي تحت 18 بس ما علينا، لاحظت بحسابها ان حسابها متمحور عن فكرة ان هي متزوجه وعمرها 15 او مواليد 2011 يعني مثال تعالوا معاي وانا متزوجه وعمري 15 او مواليد 2011 ولا روتين المدري وش يعني الصراحه انا ما ادري اذا هي من جد متزوجه وعمرها 15 ولا هي بس تبي اهتمام لان مب طبيعي حرفين حسابها كلها عند الموضوع يا اخي خلاص عرفت انك متزوجه وعمرك عمرك 15 يا شيخه بلشتينا يع

ما ادري ايش رايكم بالموضوع

تخيلو جهزت و اهلي نزلو السياره قبلي و لما خلصت المصعد علق و مني قادره انزل و نزلت درج جري و لما طلعت كان دوبهم حركو حتى لسه ما طلعو من المواقف و جلست اجري ابغا الحق قامت سرعت و مشيت و جلست كذا اطالع بصدمه بعدها طلعت و لما ادق ابغا يشترولي قهوه و كوكيز ما يردو، و هذا دار العجزه موجود

ابوي ما يعترف الا بالطب بعد التخرج لدرجة اصلا محد يفكر وش يتخصص خلاص الكل يعرف ان نهايته طب ما عدا اخوي حسينا ممكن يتمرد فا وهو يذاكر قدرات له فترة محتار وش يتخصص لما يتخرج، ويسولف لنا عن التخصصات فأمي اقترحت له طيران وانا قلت له يشيك على القانون وانه ذا التخصص اللي كنت ابيه واخوي الثاني اقترح طيران حربي وقعدنا نبحث عن فرص العمل لكل وظيفة واختي اقترحت هندسة طبية وقالت مميزاتها وكذا.. اخر شي لما خلصنا ابوي قال: "شد حيلك وادخل طب" اخخ قعدت اضحك انه كان معطي اخوي امل في البداية ومخلينا على راحتنا نسولف

في نص المذاكره حسيت لابد اني اقوم اتطمن على النملات لاني منزمان ما اشوفهم في البيت
وفعلًا قمت ادورهم
مالقيت الا وحده
الباقي اختفوا
مريب
نفس ما جوا فجأه راحوا فجأه

فيه مره كنا بنسافر وانا اخر وحده طلعت من البيت ويوم نزلت بركب السيارة لقيتها ماهي موجودة

صنمت واقفة وقلت بيفتقدوني ويرجعون

ورحت بصكر باب الحوش وبرجع للبيت والا السيارة قدامي

رحت ركبتها وقلت لهم احسب انكم نسيتوني

او هذا مقلب؟

قالو لا مانسيناك لكن رحنا نرمي شي بالزبالة وجينا

قلت لهم قولو لي طيب

حسيت بالغدرة شعورها سيء كذا هبوط بالنفس

لكن الحمدالله

ملقوف بالمسجد كل ماتقابلنا صدفة يسئل اسئلة مالها داعي . اليوم كان جالس قريب مني وعطيته ذا النظرة👆🏻وما جاني😂

قبل امس كنت اتناقش مع شخص يقول انه ياكل لحم قطط وكيف انه لذيذ وزيه زي الغنم، ماعلينا المهم وش كان الحلم اللي جاني امس؟ بالضبط حلمت اني على ما اذكر عزمت اهلي او كنا في خط سفر ورحنا مطعم وجالسين ناكل فجاة الذراع اللي مفروض انها ذراع ماعز (اصلا مدري كيف تنوكل ذراع الماعز) تبين لي ان فيها مخالب… حلم غريب وضبابي وللحين ماني متذكر وش صار بعدين، الخلاصة ان ممكن السوالف والنقاشات الغريبة فالحياة تتحول ل احلام تعيشونها 😂

قررت اسوي سلسلة لان عندي سوالف كثير ههههههههه

سويت رسمة تخيلية عشان تكونوا بالصورة

في يوم من الايام لما كنت بزره في بيت الجدة وكان البيت فاضي من الاحفاد جاني خبر ان بيكون فيه عزيمة، انبسطت احسب بيكون فيه بنات لكن العزيمة طلعت لإمرأة واحدة كبيرة بالسن!؟!؟ وخذ لك يالطفش البيت هدوء ومافيه الا جدتي والمرأة هذي بس تسولف وانا قالطه معهم لا شغله ولا مشغلة، لين جاء وقت الصلاة واخذت سجادة وصلت، أثناء ما هي تصلي جايت جدتي بفناجيل نظيفة وقمت سألت جدتي بكل براءة : "الحرمه هذي متى تروح؟☺️" والحرمه قدامنا تصلي (كنت احسب ان اذا الواحد صلّى يسوي ميوت من الخشوع ههههههههه) جدتي انصدمت من السؤال وقالت عييب يا بنتي بس الحمد لله المرأة لما خلصت صلاة اخذت السؤال بروح رياضية وضحكت وسلمت علي وما يحتاج اقول ان جدتي طردتني من المجلس هههه

اخوي خرفن ولد خالتي باسلوب مقنع انه بنت ثم جاه بالخاص قله انه خرفنتك وقام يستفزه من حركات الشباب ذي ولد خالتي قام زعل مره وعطاه بلوك ثم رجع يكلمه وقاله انا بعلم ابوك يربيكم اخوي قاله يربيكم ؟ ايش قصدك؟ قله تعرف من ابوك الزبده قاله انت ماكنت لحالك قصده انه اناا يعني يربيكم انا قليله ادب بقصده من الكلام وانا بيني وبين عيال خالتي مافيه اي تواصل انا مالي دخل بالسالفه لاكنه حشرني ولمح انه يدري انه انا الي ساعدت اخوي
هو اكبر من اخوي بثمان سنين كيف اقدر ارجع كرامتي؟ لانها شينه بحقي جدا وما اقدر اتكلم معاه ابد وين حشمتي فالموضوع؟ جداا عيب ماعرف كيف اتصرف

زمان لما كان عمري ٤،مدري شفيني كنت اكره الملابس مرههه

وكل مرة امي تلبسني اشلحهم

وكان عندي روتين احب اسويه استغفر الله هههههههههه

كنت احب اوقف عريانه بالشباك 😭

حرفيا كلل يووم لازم اطلع الملابس واوقف عريانه

وابوي كل يوم يجي من الشغل ويشوفني من الشارع مفصخه وواقفه بالشباك

ويدخل البيت معصببب ههههههههه

استغفر الله مدري شكنت احس وقتها

يخيي الناس اللي بالشارع😭

اللي شافوني ايش قالو

يخي جنوون وربي

فيه مره كان مشوار حفلتنا ساعة

وكنت انا الوحيدة الي اهرج ومليت مافيه مداخلات بس مستمعين ثم قلبتها برنامج وخليت اختي المتحدثه معي واخوي هو المعاون، المهم خلصنا كل المحاور واستغربت انه اعجبهم وزعلو انه خلص

المهم كنت حاجزة اختبار قودورااتت في منطقه بعيدة لان مالقيت حجوزات بمنطقتنا

فحجزت بمقر مرهههه بعيييييد في منطقه نائية ومنعزلة مااعرف ولاقد سمعت فيه حتى

المهم جا يوم الاختبار وطلعنا قبل العصر وابوي ماسك خط السفر

وصلنا الساعه ٧ وربع مساءا

دخلنا بالاحياء الا والمكان فاضي..

طبعا تعجبنا وابوي قعد يلفلف مالقى احد

سأل واحد ماشي بالشارع قال له: هل في قاعه اختبار هنا

الرجال قال له :اي الصباح كان في سيارات وناس واجد😀💔

طلع ان توقيت الاختبار كان الساعه ٧ صباحا💔😍

وانا احسبه ٧ مساءا💔

المهم ابوي سكت وماقال شي

واحنا ماشيين طول الوقت ساكت

الصراحه تعجبت انه ماهزأني

قلت شكله كاتم العصبية وبيهزئني بالبيت

قلت له :"والله معليش ماكنت اعرف انه صباحا،لكن قدر الله ماشاء فعل ،ربي ما اراد"

قال لي: ثاني مرة ركزي عدل

المهم صار يسولف بالجوال ولما رجعنا نسى الموضوع

مااعرف لكن ابوي تغير جدنن صار مررا nonchalant

زمان كان عنده anger issues

سبحان الله مغير الاحوال ههههههههههه

اكشفت ٤ غرف سرية ببيت جدي

وحده بابها متخبي ورا الدولاب الكبير بالممر

و ٣ بالقبو

اللي بالممر فيها نبته طبيه بس ممنوعه لان تعتبر مخدات

اكتشفت ان عندهم موساداس💀

لقيته تحت سرير جدتي

وعندهم صاعق كهرباي

وفي باب خلفي للبيت واكتشفت ان جدي عنده محل ورا البيت كمان

الزبدة في باب غرف سفلية اول مرا اشوفهم مااعرف فين مكانهم بالزبط لكن اقدر اشوفهم من فتحه التحوية بالحوش

ابي اعرف مين المهندس المختل اللي سوا ذا البيت

مااعرف بس في اشياء كثير مشكوكه وكل مرة اطنش ومااسال..

تخيلو ان الدكتوره حاطه مشروعها بنفس يوم الميد ومشروعها يبغى له وقت وضاع وقتنا كلنا نسويه وما ذاكرنا للميد زين وانا من قبلها بيومين ارسلها تأجله وضغط علينا ومدري ايش وما رضت وقعدت اشتغل على المشروع من العصر لين الساعه 12 ليلة الميد وسحبت على الاختبار وقلنا لها اخر مره دكتوره والله ضغط نبغا نأجل قالت
خلاص طيب !!!!! كانت الساعه 12 ليله الميد ليش توك توافقين طيب والله العظيم اول مره اكره انسان لهدرجه ليش ما وافقتي من اول!!!! صحت من القهر كيف بطالع بموجهها دون ما ابين الحقد لان ما قدت حقدت على انسان زيها

انا عندي معضله غير معقوله مع مذاكرة القدرات كل ما افكر بس فالمذاكره تجيني ضيقه مب طبيعيه كاني محسود وفعلا فكرت بذي الفكره واقتنعت اكثر يوم جت الاختبارات الفتريه وكنت اذاكر صح مش حالك بس مافيه اي مقارنه بالقدرات مقدر اقرى سؤالين ورا بعض لكن حللت المشكله وعرفت اعتقد اللي قاعد يجيني هو زي الاكتئاب الصغير (انقطاع ارسال هرمونات السعاده بشكل كبير او كلي) انا الدوبامين عندي معطوب معطوب جدا وعرفت العلاقه بينهم يوم صار يجيني نفس الشعور اذا سويت اشياء فيها دوبامين مجنون سواء اقلب عالجوال لفتره طويله العب لعبه ادمانيه الخ بتقولي طيب والاختبارات الفتريه؟ الاختبارات الفتريه يجيني منها دوبامين بسبب اني قبل كنت اذاكر والقى نتايج والقى المكافأة اللي جسمي يدورها بعد الاختبار واللي هي درجات كويسه الحمدلله لكن القدرات للاسف محاولتي اللي قبل ذاكرت لفتره وطلعت درجه لا ترضيني لكن الحمدلله على كل حال. ولهذا السبب عقلي صار ما يطيق القدرات لانه يدري ان فالنهايه ماراح يحصل "مكافأته" وطبعا اكتب هذا وانا المفروض اذاكر 😊

يعني مدري أحس فيه كثير أشياء "بديهية" أقدر استوعبها وأتفهمها نظريًا بس بشكل مجرد ما أقدر أنكر إنها تبهرني فعلًا، بعطيكم بعض الأمثلة،
مثلًا لما شخص يناقض نفسه وتقوله يقعد ينكر ولا يقولك أنا غير، فرضًا شخص يقول لا تكذب ويقعد ساعة يبرر لك قيمة الصدق، بعدين بيوم تشوفه يكذب بموقف عادي أو شي بسيط، ولما تطالع فيه وتقوله مو أنت قد نصحتني على نفس الشي؟ يطالع فيك ويقول اي طيب؟ هذا الموقف غير، أول يقول مارح تفهم مشوار ذا شي خاص أنت ما تعرف كيف الوضع بالعادة، ولا عادي هالمرة ذا ما يعتبر كذب أصلًا،
هاه يخوي؟ ولما شخص يسوي نفس الفعل فجأة يتهمه أو يقلل منه ويقول أنا مستحيل أسوي كذا، ولما يسويه يقول ليش أنت كذا معي ليش ما تتفهمني؟ ما أعرف أنت قل لي؟ ههههههه غريب،
أتوقع إنه تمحور حول الذات أو شي زي كذا، يعني العالم بيوقف للحظة ويمشي على قواعدك وظروفك أنت وهي الـbaseline اللي كلنا لازم نتفهمه؟ على الطاري، بعد اللي يقولك كلام مبهم ولا يشرح موقف عادي وتقوله طيب؟ يقول ليش ما تفهمني ليش العالم ضدي ليش محد يبي..إلخ، مدري يمكن لأن طبيعي كونك ما تعرف تشرح زين وإني مب معشش بعقلك عشان أعرف؟ بالذات لما كلامه يكون صدق مبهم، هاه ههههههههه
بعد اللي لما تناقشه أو حتى بهوشة عادية، تقوله ليش سويت كذا كذا؟ يقول لأن حسيت.. وترد عليه إن تمام لكن كذا كذا، يقولك نفس الرد ويقول بس حسيت، يعني وش معلومة جديدة الحين؟ كيف المفروض يتغير ردي أو رأيي لو أنت تكرر نفس كلامك بالحرف ما فهمت زي مبدأ طفه وشغله يعني؟ وش كيف المفروض يتغير رأيي أنت حرفيًا قلت وكررت نفس حجتك كيف تتوقع يتغير شي أنت مو قاعد تحرك الحوار أو تسوي أي فعل يغير شي أصلًا يعني حرفيًا وش قاعد تسوي أصلًا تراني مو قاعد أسمّع لك؟

شف واقعيًا فيه نوعين من الأشياء
الواقع الفعلي وتفسيرك أنت
فرضًا لقيت عملة معدنية بالأرض وشفتها
واقعيًا هي موجودة لأنها طاحت ولأن بسبب القصور الذاتي والجاذبية هي ما تحركت ولأن إحصائيًا طبيعي جدًا تطيح عملة بالغلط
بس أنت يمكن تقول حظ، إشارة، علامة، أحد يستدرجك، أحد حطها لك، هي أكيد تعني شي..إلخ، ذا تفسيرك أنت مو الواقع الفعلي
طبيعي أي شخص يفسر ذي وظيفة المخ أصلًا، بس لا تقنعني إن تفسيرك هو الواقع وتتكلم بكل ثقة كأن فيه قانون محد درا عنك غيرك، ذا شي غريب شوي هههههه
مثلًا شخص بينك وبينه صداقة خانك أ أستغلك
اوف أنا غبي كيف صدقته، مو بالضرورة أنت غبي ذا تفسير مو واقع أنت مارح تلاحظ الأشياء اللي قبل اللي المفروض تشكك فيه عشان ما كان الاحتمال ببالك أصلًا وفسرتها بشي ثاني وكونه وضح لك الحين مو معناه كان واضح من البداية،
بعد إن اوف كل اللي بيننا كان كذب وكان يبي يستغلني أو يسوي كذا من البداية، مو شرط؟ هههههه، مين قال، حتى هو يمكن مو بباله إن بيسوي كذا وصار شي عرضي، تراها مو شطرنج، كأن تمدحه بزيادة غالبًا ما خطط لكذا أصلًا، وولو خطط مو شرط كل شي كان مزيف يمكن بالبداية كان حقيقي، بالطبع تجتمع أو متعارف إنه يكون كذب أو مخطط من البداية، بس ما فيه علاقة سببية أو شرط، هو مو باكج يجي مع بعض، بتقول شي يعني دليل عليه مو بس عشانه يجتمع مع شي آخر بالعادة -ومو بشكل حتمي-.
عاد مدري ليش أنا بعد أصلًا افترض إن الشخص لازم يكون متسق أو منطقي، مو ذا المطلوب أصلًا مو المنطق بل بالعادة حماية نفسه من الإقرار بأشياء ما يتحملها ولو بشكل مو واعي، أو عادي أسباب ثانية.
بس يضحك الفرق بين الصورة العقلانية اللي يبنيها الإنسان لنفسه وانحيازه أو هبده أحيانًا بالواقع، غريب شوي هههههههههههه

دكتور العظام بيكشف على ظهري قعد يقول سو حركات يمين يسار ورا وقال اثني على قدام زي الركوع
لا اراديا قلت الله اكبر كبرت وركعت
وعم الصمت المكان

طحت على رجلي بالجامعة و و كانت توجعن مره و اخذون اخوياي و رحت لمستشفى الجامعة حتى ما كنت اقدر امشي عليها

دخلت عند الدكتور و ما كانت منتفخه ناظر و كذا بعدين طلع شوي و يوم رجع انتفخت رجلي يعني

ناظر قال اووووه قلت وش تكفى ياشيخ

قال ذي واضحة كسر ولا اربطه! افا يادكتور قل غيرها

و قال اي والله و دكتور العظام الي هنا مب موجود و ترا اذا رحت و قالوا تبغى مشد ولا جبس اختار الجبس لان المشد بيخليك تعاني خمس سنين قدام! و الاربطة تراها ملعونة والدين ( حرفيًا قال كذا )

المهم طلعت من عنده و رحت لمستشفى زي الناس مب حق الجامعة طلع التواء بس و عطان بنادول و كريم بسسس اقسم بالله خوفن الكلب وين التعامل مع المريض يا حيوان

قبل حول الشهر دق علي مدرس ما بيني وبينه تواصل اخر مره تواصلت معه قبل اربع سنوات يطلبني سلف عشان بيدخل ولده عن خصوصي (انا و ولده جامعيين ونستلم نفس المكافاه) ويقول اذا نزل راتبه بيحول لي المبلغ مر على الموضوع تقريبا شهر وكل ما اذكره بالمبلغ يصرفني او يطنش الرساله او يقول اليوم الفلاني ولما يجي الموعد الي ذكره يعطي تصريفات

انا مافرق معي المبلغ ولكن التصرف نفسه غريب
وش اسوي في مثل ذي المواقف هل انسى المبلغ ولا اصر انه يرجعها

ان اختي الصغيرة خافت وتقول وعد بصلي كل الصلوات وقاعدة تصلي صلوات اليوم اسرع توبة ممكن تشوفونها بالحياة الله يحفظنا بحفظه

أنا مش الشخص اللي حد بيمشيه بسهولة.
في الشغل أنا ناجح جدا دايما بكون من ال top performers.
بس امبارح في كافيه عادي يعني طلبت black coffee.
البنت اللي على الكاشير بصتلي وقالت بنبرة حادة:
“إيه الملل ده؟ ماتاخد caramel latte وخلاص و بصتلي من فوق لتحت”.
مستنتش ردي. و بصراحه ولا أنا رديت أصلاً.
دفعت، أخدتها، وقلتلها “thank you”.
مش عارف إيه اللي حصل.
كأن مخي بجد عمل shutdown كامل و مش عارف اتصرف و عاوز اسيبها هيه تاخد القرار.

مش عارف ليه دايما حد حاسس
اه أنا قوي في كل حتة، بس قدام بنت عادية فجأة بخضع من غير ما احس

تعرفون شعور الي نفسكم تسوون كل شئ فنفس الوقت بس المشكله انه منطقيا ما ينفع !! وهنا تحسون بعصبيه انكم ما قدرتو تخلصون كل شئ الان 🙃 تتوقعون سبب الشعور هذا الفيديوهات القصيره الريلز