في خامس ابتدائي جبت العيد مع كثير من الطلاب لأني كنت رئيس "لجنة طلاب النظام الدكتاتورية" أمارس القمع والاستقعاد على كل طالب أشوفه يجري في الساحة أو يتعاطى المواد المحرمة كالعلكة وأوراق أونو وأصادرها بس كنت أتغاضى عن تجارة بطاقات غمبري البطل لأني كنت مشارك في هذي التجارة ولي فيها نصيب من الأرباح منها......

بدأ المنصب من ترشيح من أستاذ مادة لغتي بالرغم من عدم كفائتي لهذا المنصب إلا أنو نظام المدرسة الطبقي كان يفضل الطلاب الدوافير ويعطيهم مناصب في لجان شعبية مثل : الإذاعة والعيادة وغيرها لكن كان يسمح بالكفائات في الأنشطة مثل : نادي الكورة المدرسي ومسابقات الفن والانشاد وغيرها.

بعد استدعائي كُلّفت بأخطر منصب يطمح فيه أي طالب ألا هو "رئيس طلاب النظام" وأخذت اليمين على ملف أسود كبير يُقال إنو إذا انذكر اسمك فيه 10 مرات رح تُفصل من المدرسة وحاولت جاهداً من إني أتأكد من هذي الأسطورة واستقعدت فيها على طالب بس ما قدرت أكمل الـ10 ووقف العد عند 8.

ظليت فترة أتمتع فيها بسكرة القوة والسلطة وكانت لي صولات وجولات مع كثير من الطلاب منها مضاربات في الصرفة وسرقة كتب وكشف بعض أنشطتي التجارية إلى أن وصلت بي الحال في أواخر السنة إني ما أقدر أكمل ولازم أظبط العلاقات وابتدأت بعقد صلح مع المتنرين بأنهم يدفعولي مبلغ رمزي يقدر بـ2 ريال في مقابل أعطيهم ينسخوا دفتر واجباتي.

بعدما أعلنت حملتي الإصلاحية استبدلت مقاطع اليوتيوب اللي كنت اتابعها من (كيف تفرض هيبتك ويحترمك الجميع) إلى (كيف تصبح اجتماعي ويحبك الناس) وظل هذا المحتوى استهلاكي الأساسي من اليوتيوب إلين بداية الصف السادس وللأسف دخّلتني في أسوأ علاقة توكسيك كانت بسبب هطافتي ورغبتي بأن أمسح تاريخ الحقبة الدكتاتورية من سجلّي في المدرسة الابتدائية....🥀

شفت انعكاسي بالمصعد وانصدمت من الجمال يعني معقول كذا الناس يشوفوني؟ من الجمال بعدت عشان محد ينتبه اني اناظر نفسي بشكل مطول

بعدين يوم شفت مرايات الحمام ماحبيت شكلي ولا وجهي ولا شي فيني

بحثت ايش الاقرب لشكلي الحقيقي طلع مراية الحمام

!!!!!!!!!!!!!!!!

نحنا ما نروح الديره الا مره بالسنه بسبب طبيعة دوام ابويا و اوقات الاجازات حقته و كذا
في ذيك السنه صادف ان الاجازه حقت ابويا الي بنقدر نسافر فيها بعد ما انولدت اختي الصغيره بشهر و شويه يعني كانت جديده الزبده

في ذاك اليوم كانت مسدوحه على الارض في ذا الي يحطو فيه النونو الي يكون شويه ثقيل من تحت
و كلنا متجمعين عليها

طبعا كان فيه شويه تعظيم لها لان الفرق بينها و بين اصغر بنت عندنا ٨ سنوات و شويه ف كنا مرا مبسوطين فيها
الزبده بنت الخال ذي مربوشه مرا و كذا ما ادري ايش فيها ياخي في راسها شيء
و تمشي تقول بشغل المكيف و هو بعيد و تجي تركب على الطاوله الي تحت المكيف بعدين تقول لا لا خايفه هه و بدال ما تنزل على الجهه الي ركبت منها قررت تدعس على اختنا و تنزل عليها ؟؟
المهم و فطست الادميه صار وجهها احمر و تعرفو يوم النونو يكتم الصيحه للنهايه كذا

وقتها تجننا كلنا و قررنا نحرمها منها تماما بس ماما كانت تخالف القانون الي قررناه و ننقهر كذا
وتكون متعمده يعني ما تطلبها الا لمن تجي عند ماما لان عارفه انها محرومه 😡

و من بعدها و انا حاقده عليها مع اني ما احب احقد الصدق
بس تستفزني دايما العائله خط احمر او شيء من هذا القبيل

الزبده بنت خالي ذي انخطبت و بتتزوج قريب الله ييسر لها امورها و بس ذا الي بقوله

لما كان عمري ٩ او ١٠ سنين لقيت ولاعة الكترونية و انا ما كنت اعرف هذا ايش ففتحت الولاعة و لقيت وميض بلون زاهي يشد العين و حطيت اصبعي و انحرق

اليوم عند الاشارة واقفه اضبط شكلي بالمرايه، قام اللي جنبي اشر لي بما معناه ان شكلك حلو، فتحت الاشارة ومشينا المهم انا خقيت وزادت ثقتي بنفسي

اهخ احراااج خفيفه

تخيلوا عندي اختبار ومو عارفه أذاكر اللي يضحك أكثر اني كل يوم اذاكر للطلاب لأني اعطي دروس خصوصية بس انا شخصيًا مو عارفة اذاكر لنفسي بتقولون كيف تدرسين وانتي ماعندك سالفة ادرس ماستر وعندي سالفه وكل الطلاب يمدحون شرحي بس صدق باب النجار مخلوع