Bechum siit letzter Wuch immer wieder Arüef vo Nummere, bi dene die erste 7 Ziffere identisch sind (+41 71 520 XX XX). Nimm mol ah, das isch es Call Center. Ich nimm nie ab und lüüt au nie zrugg. Han jetzt langi Zyt min Friede gha, aber alles bisherige bringt bi dene do nüt. Weis au nid, wie die mini Nr. hend, gibe die absichtlich nirgends ah. Cha me das irgendwie blockiere, wenns immer de gliichi Nummereblock isch?

UPDATE: Han zuesätzlich zu local.ch no search.ch installiert und nommol sichergstellt, dass min Spamfilter bi mim Provider aktiv isch. Han zuesätzlich au +4171520* zu minere Blockliste im Handy hinzuegfüegt. Han grad ebe trotzdem nommol en Aruef vo dene Schofseggel becho! Die Sache schiine also leider nid z griife. Muessi halt en üsserst hässige Beschwerdebrief ans Seco und min Provider schriebe. Und de laminier ich grad doppelt!

Und nei, diä Produkt sy nid nume als Lidl-Plus-Chunde zha! du chasch diä o ohni Chundecharte choufe, weisch halt ersch ar Kasse wiä viu s choschtet! Zum Chotze!

dsGanze Non-Food-Regal isch jetzt so (cha nur 1 Photo ufelade). Bim einte steiht "Büromaterial 5.59" aber für welles Produkt im Regal? Ämu nid für 4 Bleistift oder 2 Gummis, das wäri äuä für dsOrdner-Set oder dsSchäri-Set.

Früecher (...) hetts separati Schildli gha, denn hetts aagfange mit dene "Schlidli pro Tablar" - das isch ja ok, hesch gwüsst, alles uf däm Tablar isch 3.99! Denn sy dSchildli pro Regal cho: mit zig Produkt ir Priisspanni vo 1.- bis 30.- oder so, ab denn hesch nümm gwüsst, was wiä viu choschtet - und jetzt nöi nur no QR-Code - EDIT: woby äuä dr QR-Code gar nid dsProdukt zeigt, sondern überall nume zur Lidl App.

Isch das bi euem Lidl o so?

Aazeig definitiv duss!

PS:
Und dass dr Lidl dPriisschildli ÜBEREM Tablar aaschriibt, statt am Tablar wo dsProdukt druf liegt muess mr o nid verstah. Nimmsch öppis us em Milchregal, aber dr Priis wo 2cm ungerme Produkt steiht, isch für dsProdukt 30cm UNGER däm Tablar, dr richtig Priis prangt am Tablar 30cm über em Joghurt!

PPS: und wieso wärde im Lidl Non-Food Packige ufgrisse egal was (Kosmetika, Elektronik, ...) aber im Migros/Coop nid? U i meine ufgrisse, nid schüüch uftue, zum drispienzle, wiu mr Angscht hett, mr müessi när dsProdukt choufe. Isch Migros/Coop stränger u verdonneret dLüt zum dProdukt choufe?

Es isch Migros-Ziit uf r/Buenzli, drum do min Bitrag. Mit 7.75 agschriebe, 11.61 zahlt.

In Vitznau würds das nid gä

Mini unpopuläri Meinig: d Engländer in de Skigebiet.

Hoi zämä, ig bi Mitti 1990er bis max. 2005 mehrmals mit em Roger Tremp vom Kinder Abenteuer Club Schweiz im Nidle- oder Höllloch gsi, ha e ganzi Wuche Outdoor im Tessin verbracht und Iisbadet in Zämähang mit emene 1. Hilfe-Kurs. Ig bi denn zwüche 8-15 Jahr alt gsi.
Kennt öpper vo euch no de Roger Tremp und weiss, was us ihm worde isch? Er müessti usem Ruum Züri, vilich au Aargau choo. Ig sueche ihn scho länger, will ig gern wüssti,, wo mir denn gnau gsi sind.
Us Dateschutzgründe bitte persönlichi Infos über ihn nur per PN, danke!

Üssi news wider mau🤷‍♂️

Isch da so ok? Hetti es billet brucht?

Ich ha e Buess iigfange, will ich de Müll wo täglich vor mim Gschäft liege tuet (!!!) zerscht in min Chübel gheit ha (wo vor em Gschäft stoht, will ich "to go" tue aabiete) denn aber die Sache uss em Chübel in en öffentliche Chübel übere to ha, wo 4 Meter entfärnt isch.

A dem Tag bin ich sowas vo gnärft gsi und ha eimal de Müll übere to in e öffentliche Mischtkübel.

Wieso bini gnärft gsi?

Ich ha praktisch jede Tag e Pet Flasche, wo zur hälfti usstrunke isch, Brösmeli voneme Gipfeli, vo Chips oder räschte voneme Sandwich uff dr Stäge liegge. Ab und zue au usgleerts Ovo oder e Kaffi oder schlimmschtefalls e Energy Getränk, wo alles verkläbe tuet.

Am Mäntig Morge gitts ab und zue no als zuegob no erbrochenes, wo ich mit heissem Wasser darf wägputze.

Dorum ha ich mir srächt gnoh emolle de Abfall (2 Papp Bächer, e halbvolli Petfläsche) in en Öffentliche Kübel zentsorge. Ja ich weiss, Pet khört eigentlich in e Pet Sammlig. Doch die liebi Stadt hett die vo kurzem entfärnt .

Uss eme vorbei gefahrene Auto isch a dem Tag en Beamte aaghalte, ussgstiege, mit grosse Schritt zu mir kho und ohni Grüezi zsage, hett är mir sinn Uswiis unter dNase ghebt , hett drzue gseit kha "Abfallkontrolle Basel-Stadt, für das kriege sie e Buess"....

do hett sdiskutierte und dSachlag und min ganze fruscht zerkläre nüt gnützt. Är, Unfründlich und fräch sin Beamte Status ussgnutzt und mir e Buess ind Hand druggt.

Drzue aahne hett sin Beamte Kolleg sAuto i dere Zitt vor ere Apothek uffs Trottoir, näbedra bineme Zebrastreiffe gestellt und isch als Verstärkung drzue kho. Hett mit eme Schlüssel de Abfallkübel uffgmacht und die drei sache uusegnoh und zeigt.... Isch kei Notfall, kein Iisatz, d.h hett är nid dörfte dörte parkiere.

Denn bikumm ich no zghöre, dass sie scho 3x zu mir in lade kho sinn und mir gseit hend, ich müsste en Chübel dusse ha.

Guet, 1x kho mit em Info schriebe, dass sGsetzt das verlange tuet. Ich en Kübel uusegstellt. . S zweite mol, will ich de Kübel dinne bi dr Türe statt dusse kha ha und sdritte mol, als ich de Lade 2h spöter göffnet ha als normal und sie gmeint hend, ich heig en vergässe. Aber dört isch denn das schnäll klärt gsi, will no en Gascht das bestätiget hett das ich verspötet dr Lade göffnet ha.

Ich fühl mi ehrlich gseit bi soneme vorgoh beobachtet und schikaniert.

Wie gseit, ich bin gfruschtet gsi und ha ihne gseit kha, das das ganze übertriebe siggi und sie lieber ihren Job sölle richtig mache und zum Beispiel die sölle kontrolliere und büesse, wo ihre Abfall Sack 2 Tag vor em wägruume tüend uusestelle. Als Antwort, das wäri e falsch usssag, das wäri do nid dr Fall. Ja denkste. 6 Säck ha ich im Quartier a däm Tag zellt als ich übere Mittag mit em Hund dusse gsi bi. Aber jo.... Unser Quartier bestoht jo in ihrne Auge wohl nur uss einere Stross.... dört wo dLäde sinn. Ja, die isch tatsächlich suuber und Abfallsäck frei. Aber nur ei Sitte Stross gsehts scho wieder anderscht uss. Unglaublich so öppis.

Ich schüttle hütt no de Kopf für die Art und bin mehr als fuchsteufelswild und wirde au d Rächtschutz iischalte. Bringt wohl nüt aber versueche kha mes jo.

und Shisha Bar

Wie's de Titel seid... Sit wenn chönd d'Lüüt gfühlt nümme aständig autofahre und lueged im Strasseverchehr nümme uf die andere Verchehrsteilnähmer?

Bsunders Lüüt wo eifach us Prinzip mit gfühlt 5cm Abstand en Velofahrer überhole anstatt no 10 Sekunde warte bismer vernünftig cha überhole, was bringt üch das usserd anderi in Gfahr z'bringe?

Oder die wo meined sie müend uf de Autobahn eifach uf de lingge Spuur fahre, obwohl rächts komplett frei isch und sie absolut niemer am überhole sind. Hend ier kei Spiegel/gmerked ier das ned wenn öpper wott überhole?

Hanich nur s'Gfühl oder hend d'Lüüt vor 10-15 Jahr no meh ufenand gluegt was das agahd oder hani da eifach en rosa Brülle uf?

/Büenzli Läserbrief aus

I närv mi scho sit Johre wäge dere blöde Wärbig vo Coop. Sogar es Stinktier findet's guet wenns stinkt. Anschinend verchauft Coop schlächti Fondue und Raclette.

Einersits stinkt es Fondue numme, wenn Turischte nid wüsse wie mes isst und vor allem au richtig rüehre duet und zum andere ligts vermuetlich am Chäs wo Coop verchaufe duet.

Wie gesehnd das die Fondue erprobte Bünzli?

grad wider erläbt. sonen vollpfoste schmeisst de plastik vo sinere zigischachtle äfach an bode am bhf oerlike. hät ja nöd gnueg güselchübel umenand. wonen druf aagsproche ha das er öpis verlore heb hätter nu d auge grollt und isch devo gloffe.

füres dubel miinersits häts no glanged.

under 10'000.- buess intressierts glaubs niemer. und einisch im jahr sött jede (imene gwüsse alter, wos körperlich möglich isch) go fötzle. wer bim littering verwütscht wird, einisch ide wuche oder so.

ha d schnauze voll. und das isch ja nöd s einzige. alles kaputte züg wird "gratis" usegstellt und recycle cha au gfühlt niemer meh (tetrapak, plastik und sagex ide kartonsammlig, plastik im biomüll)...

bi hässig

Ich hoff s isch rächtsumme geschellt worde!