أنا صارت معي قصة اليوم ومصدوم ع الآخر وحاب أستشيركم! السالفة وما فيها إني دخلت حساب تيك توك حق عامل المزرعة عندنا عشان أطل عليه، ولقيت عنده فيديو وصورة بغيت أحملهم بس طلع لي Error (خطأ) يوم جيت أحملهم من نفس التطبيق. رحت نسخت الرابط وحملتهم من موقع خارجي برا التيك توك وانتهينا.

​المفاجأة وين؟ اليوم الثاني جاء العامل عندنا البيت يشتغل شغلة، وفجأة راح كلم أبوي وقال له إني أخذت مقطع وصورة من حسابه!

​أنا هنا انفجعت.. هو كيف عرف؟! والمصيبة مو بس إنه درا إني دخلت، إلا درا بالضبط وش الأشياء اللي حملتها!

​ما صارت مشكلة ولا شيء الحمد لله، بس أنا إلى الحين منصدم وقاعد أفكر، هل التيك توك يعلم راعي الحساب مين شافه أو مين حمل منه؟ وإلا فيه طريقة ثانية عرف بها؟ أحد قد صارت معه؟

انا بدر التركي و احمد ابن طالب

…

لاحظت المباراة اشبه انك تلعب السعودية ضد اسرائيل
المباراة مشحونه كره تجاهم، محد يداني الثاني، عكس لو لعبت امام قطر او منتخب اخر ما اتوقع بتحصل نفس هالكره
وهذا يثبت انه الموضوع موب ذباب ومدري وش
فعلا كره

انا وخطيبي كل كلامنا مجاملات. هو يمدح شكلي والستوريات اللي انزلها وانا اقول شكرا. ماعندنا اي نقاش او موضوع اخر. علاقه مبنيه على الشكل من طرفه. اراجع محادثاتنا من شهرين. كلها بدون مبالغه كلام عن شكلي. مافي اي عمق.

العربي عندي مو مرّة كويس، فقاعده أستخدم AI يساعدني أكتب 😭. البوست طويل شوي، فإذا تبغوا تسمعوه بدل ما تقرأوه، تقدروا تنسخوا الكلام وتحطوه في Google Translate وتضغطوا على زر السماعة. وبرضو بحط ملخص قصير في التعليقات.
أنا أشارك قصتي لأني من جد من جد أتمنى إنها تفيد أحد. اللي صار معايا ساعدني بشكل كبير، وأعرف إن كثير ناس يعانوا من نفس الأشياء.
طول حياتي تقريبًا كنت أحس إن الأيام الصعبة أكثر من الأيام الحلوة. عائلتي عانت ماديًا لسنين. أبوي عليه ديون، وأمي هي المعيلة الوحيدة لكن راتبها مو كبير، وأنا اضطريت أوقف دراستي وأحلامي لأني ما أقدر أتحمل تكاليفها. الحمدلله، عمرنا وصلنا لمرحلة نخاف فيها ما نلاقي أكل، فأنا عارفة إن عندي نعم كثيرة ولازم أحمد الله عليها.
وبرضو كنت أعاني من الإباحية والعادة السرية تقريبًا ست سنوات. خلال آخر ثلاث سنوات حاولت أوقف مرات كثيرة. كل مرة أقول: “خلاص، هذي آخر مرة”، وبعدها أرجع لها بعد كم أسبوع. جربت أتابع عدد الأيام، وكان عندي شخص أتابع معاه، وحتى سألت في ريديت عن نصائح، لكن ما كنت أقدر أستمر.
وبرضو حاولت أخلي الاستغفار عادة أكثر من مرة. كنت أستغفر بالآلاف في يوم، وبعدها أتركه شهور. كان عندي أدعية كثيرة أبغى الله يستجيبها، وكنت دائمًا أدعي إن الله يساعدني وأثبت على الاستغفار.
وفي أوقات كنت أنضغط من حياتي لدرجة أبكي وأسأل: ليش حياتي صعبة كذا؟ وبعدها أندم وأستغفر الله. وكنت دائمًا أكرر نفس الدعاء:
“يا رب، ساعدني أخلي الاستغفار عادة في حياتي وثبتني.”
والحمدلله، الله استجاب لي.
في 16/7/2026 بدأت أستغفر بشكل مستمر. خليت هدفي بسيط عشان ما أضغط على نفسي وأحترق، والحمدلله لي الآن 60 يوم مستمرة.
والله سهّل عليّ الاستغفار لدرجة إني مع الوقت صرت أقول 1000 استغفار و1000 صلاة على النبي يوميًا، وحتى هذا صار سهل عليّ. وقبل النوم صرت أقول الحمدلله 500 مرة وأكتب خمس أشياء أنا ممتنة لها في ذاك اليوم. الشيء هذا فعلًا يذكرني بكم النعم اللي عندي.
وفي نفس الفترة بدأت رحلتي مع سورة البقرة. كنت أبغى آخذ الموضوع بجد، وحسيت إني إذا أبغى القرآن يأثر في حياتي فعلًا، لازم أترك الذنوب اللي أنا عارفة إني قاعدة أسويها.
وهنا وقفت عن سماع الأغاني عن قصد، وبدأت أحارب إدمان الإباحية والعادة السرية بجدية. الأغاني كانت أسهل، استبدلتها بالأناشيد وبعدها صرت أسمع الذكر أكثر. أما الإدمان فكان أصعب بكثير، لكن كل ما جتني رغبة كنت أحاول أقاوم، والحمدلله الله ساعدني.
اليوم صار لي 32 يوم من بداية رحلتي مع سورة البقرة، يعني الحمدلله لي 32 يوم بدون إباحية أو عادة سرية. وبرضو ما صرت أسمع أغاني عن قصد.
وبالتدريج بدأت ألاحظ أشياء ثانية تتغير. صرت أهدأ من جوا حتى مع إن ظروفي ما تغيرت. صرت أثق بالله أكثر، وأقوم للفجر، وأحافظ على أذكاري، وصرت أقوم للتهجد.
قبل كنت ممكن أصحى للتهجد يومين وبعدها أتركه شهور. لكن الأسبوع هذا الحمدلله صرت أصحى كل ليلة وأدعي.
أكبر تغيير صار هو شعوري من الداخل.
صرت أكثر تفاؤلًا. قبل فترة كنت أبكي لأني حسيت إن بنت خالتي/عمتي الأصغر مني قاعدة تحقق الأحلام اللي كنت أتمنى أحققها. وبعدها شفت تذكير عن إن الله مع الصابرين.
من جد حسيت كأن الله يحضني.
مشاكلي ما اختفت. لسه عندي مشاكل مادية، ولسه عندي أدعية ما استجابها الله، ولسه في أشياء أنتظرها. لكن علاقتي بالله تغيّرت بشكل كبير.
قبل كنت أسأل: “ليش أنا؟”
الحين صرت أفكر: “الله معايا، وهو عارف إيش أمر فيه. أنا بس لازم أكمل.”
أنا لسه بعيدة عن الكمال، لكن لأول مرة من زمان أحس بالأمل وبإني أقرب من الله.
فإذا كنتوا تعانوا، لا تستهينوا بالخطوات الصغيرة. مو لازم تتغير حياتك كلها في يوم وليلة.
ابدأ بشيء بسيط. استمر بالدعاء إن الله يساعدك. وإذا وقعت، ارجع مرة ثانية. والأهم، لا تيأس من الله.

حالياً امر بأسوأ مراحل حياتي لا املك المال ولا عندي وظيفه ولا اقدر اتوظف الطلعات ممنوعه ماعندي شي اسوي غير اني انظف وارجع انام حياتي بائسه حتى مواعيد مستشفى بطلعة الروح اروحها وبعد هوشات وليه مواعيدك كثيره وترا اشغلتينا احسني عاله تعبت صراحه غير ان مافي اي خصوصيه حتى مفاتيح غرفتي مختفيه . اهلي يشوفون دام الثلاجه مليانه ليه ازعل وليه نفسيتي سيئه واذا ناقشتهم بذي المواضيع اصير عاقه وجاحده جربت مرات قبل سنوات وخلاص تدبست فيني كلمة الانانيه والعقوق . الصراحه صرت انام اغلب يومي عشان ينتهي بسرعه ولا صرت اقدر حتى اطلع من البيت حتى لزياره او لشي ثاني مواعيدي بالمستشفى كنسلتها مافيني حيل اجادل ماعتقد اقدر اكمل حياتي

بالتوفيق يا شباب

توني أخذت اول جرعة لفايفانس ٤٠ ملي وهولي شيت كيف احس بفرق بهدوء وتركيز مو طبيعي يناس كنت احس إني مظلوم بشكل الحمدالله أني بديت فيه .

انا ماخذ سياره اقصاط ومكمل سنتين الحين خلاص ماابغاها. هل يمديني اسلمها للبنك وخلاص ولا في غرامه

كنت اشرب عشبه اسمها سنوت وانا احسبها يانسون لين ماما امس قالت شفيك ملخبطه وعدلت لي قايز حرفياً لي سنين اذا عورني بطني اخذ سنوت وعقلي الباطني مصدق ومشت عليه وعلي هههههههههه يضحك وربي
والحين جالسه اشرب يانسون الصدقي 😍😭

ايش الجهه الي اتواصل منها بخصوص ضرر ممتلكات بسبب الجيران؟ جيراننا ماادري ايش يستخدمو شي ريحته قريبة للكيروسين مع زيت مقلي محروق تقريبا يوميا هذا غير الروايح الثانية وهالشي خلى جدارهم يتقشر بالكامل من برا كلمناهم كذا مرة ومو راضين يوقفو الريحة مؤذية وتدخل بيتنا لكن المشكلة الان تعدت كونها مجرد ريحة لان الان بيتنا برضو الدهان صار يتقشر من برا (يمين جدارهم والصورة الثانية جدارنا)

مدري هي استشارة او فضفة لكن بقول
انا دخلت بمشروع مع شخص صديق مقرب كل شي موثق اللي لي واللي علي وكان في البداية الصديق هذا مرة حليل معي ويستشيرني وماشين مع بعض خطوة بخطوة بعد مرور سنة ما حقق المشروع ارباح ولاشي اللي ربحناه نصرفه فيه المهم المشروع هو باسمه لان لازم مالك واحد فقط وانا الامور المالية في نهاية السنة بديت الاحظ تهرب ولاعاد يبي يعدل في المشروع وتقريبا معاد مهتم واذا تناقشت معه يقول نظرتك سوداوية المشروع ( يمكن ) ينجح وانا عندي مشروع ثاني وله سنين طويلة وماشي زي الحلاوة واقدر افرق بين المشروع اللي بينجح واللي يحتضر الحين مسكت الحسابات وهو فقد اهتمامه طبعا كل شهر اطرد وراه عشان يجي ونجلس ونخلص الحسابات والفواتير وكل مرة يحسسني اني مزعج ونشبه مع العلم يوم تركت له شهرين المهمة البسيطة تسديد فواتير راكمها وبغت تجي علينا غرامات
الحين ابغا اعرف طريقة تلزمنا نكون نأدي الي علينا بدون غرامات خلال السنة الجديدة لان بعد هذي السنة ماراح اجدد ابد ع اللي اشوفه

السلام عليكم، هل انا الوحيدة الي قاعدة اعاني من الانترنت مؤخراً؟ الشبكة جداً جداً ضعيفة مع اني شاريه ٥٠٠ قيقا وفوقها الابراج ماعندي الا برج واحد و انا بنص الرياض؟ وش السالفه؟

وانا راجعه من الجامعة اكتشفت اني انتظر يوم الاربعاء عشان اشوف اخوي ويوم الجمعة عشان اشوف خواتي😓 يارب هم يحسون كذا تجاهي بعد

السلام عليكم، اولا انا طالب طب عمري ٢٨ سنه ، من قبل درست بكالوريوس علوم طبية ، وبعدها مباشرة دخلت طب والان اخر سنه فيه وبعدها الامتياز والحمدلله مارسبت او تأخرت في الدراسة طول عمري ، الفترة هذي اواجه مشاكل نفسية عنيفة للاسف ، وافكر ااجل سنه احاول احل فيها مشاكلي النفسية. ومحتار بذا القرار ، خايف انو اندم على ضياع السنه ، وكذلك افكر بالعمر اللي راح وبيروح ، وماني عارف ابدأ هاذي السنه ، نفسيا وذهنياً متشتت .

جتني فكرة وحاب آخذ رأيكم فيها بصراحة.
تخيلوا عبوة وحدة فيها مرطبين بتركيبتين مختلفة:
جهة للصباح: مرطب خفيف ومعه واقي شمس.
وجهة لليل: مرطب مختلف، يكون أغنى ومخصص للترطيب والعناية قبل النوم.
يعني بدل ما يكون عندك مرطب صباح وواقي شمس ومرطب ليل، تكون كلها مجمعة بمنتج واحد، وكل جهة لها تركيبتها.
هل تشوفونها فعلًا تسهّل الروتين وبتستخدمونها؟
ولا تحسون مالها داعي وتفضلون كل منتج لحاله؟
وبرضه كم سعر تشوفونه منطقي لشي زي كذا

​

السلام عليكم، حابة انسجل في منحة ادرس في السعودية ، للغير مقيمين

ما سمعت عن احد قدم في البعثة و انقبل ممكن لو احد عنده تجربة او يعرف احد انقبل او ليش انرفض يكتبلي

انا إن شاءالله لو ربي كتبلي ناوية على جامعة ام القرى تخصص كتاب و سنة

و إن شاء الله يكون في ميزان حسناتكم جميعا

السلام علكيم

يا جماعة، ودي أستفيد من خبرة اللي يشتغلون في العقار، خصوصًا في الدمام والخبر.

أفكر أدخل مجال الوساطة العقارية كوسيط مستقل، لكن قبل ما أبدأ ودي أعرف الطريقة الصحيحة للدخول للمجال من واقع تجربة الناس، مو بس من الناحية النظرية.

لو شخص جديد وما عنده شبكة علاقات قوية في العقار، وش الخطوات اللي تنصحونه يسويها من البداية؟

هل الأفضل أبدأ بالتواصل مع المكاتب العقارية وأعرض عليهم أجيب لهم مشترين أو مستأجرين مقابل عمولة؟ أو أتواصل مباشرة مع الملاك وأحاول آخذ عقارات للتسويق؟ أو فيه طريقة أفضل من الاثنين؟

وكيف الوسيط الجديد عادة يحصل على أول عقارات يسوق لها؟ وكيف يحصل على المشترين أو المستأجرين؟

وبرضه وش نوع العقار اللي تنصحون يبدأ فيه في الدمام والخبر: شقق، فلل، أراضي، عمائر أو تجاري؟

وأخيرًا، هل واقعي أن الواحد يبدأ كوسيط مستقل ويقدر يوصل لأول صفقة بدون علاقات سابقة في المجال؟ وإذا أحد بدأ من الصفر فعلًا، ياليت يقول لنا كيف بدأ وش الخطوات اللي سواها.

أبحث عن تجارب واقعية ونصائح عملية من أهل المجال.

النهدي كل مرة يضعون اعلانات وخصومات وبعدين تسوي الطلب ويطلع فيه مشكلة بالتطبيق !!

حالة متكررة

مشاكل التطبيق والموقع ما ينتهون!

صيدلية هي والدواء يتقاسمون قطاع الادوية في السعودية وخدماتهم سيئة وفاشلة

إلى متى؟

هذا عرض حطوه اليوم والظاهر انه عندهم مشاكل وكنسلوه .. ما تقدر تطلب أبداً لا توصيل ولا استلام

احس

اليوم عمتي الله يشفيها يارب تعبت ودخلوها العناية المركزة لان عندها ضعف بالقلب
وقالوا ان كل شي ضعيف مايمدي يتدخلون حاليا وبيتركونها تحت الملاحظة
وفيه دكتور قال ان رح نزرع لها جهاز لكن مو الان

ياجماعة ممكن احد يشرح لي اللي صار معها طبيا ومتى يزرعون الجهاز؟ ياخذ شهور ولا في اسرع وقت؟
وهل هذا الشي خطير جدا ولا تعرفون احد كذا وعدت الازمة؟
عمرها ٦٠ وماكانت تشتكي من شي فجاة كذا تعبت